kaha is ne k tum taa'beer ho aur khawab sa hooN maiN
ho tum be-khavwab mudat se azal se jaaghta hoN maiN
jo poocha dil ka saoda kab kia kesay kia tum ne
wo bola aik paal thehroo yehi tu soochta hooN maiN
jo maiN ne dasht per ja k pukara hai khudaa koi
tu har zara pukaar utha k us ko jaanta hooN maiN
bhala is daar pe ja k kis lee'ay khali palat aa'ey
kaha manzil ko choo kar b laga ik raasta hooN maiN
abhi soocha he tha dhoondhooN ufaq k paar ka rasta
tu dil bola mera soocho kabhi ka laa'pata hooN maiN
hawa boli samandar se teraa bhe koi bichraa hai
kaha ja ja k sahil pe usi ko dhoondhta hooN maiN !!
No comments:
Post a Comment