Bullha ki Janey Main Kaun..............!!!

نہ میں مومن وچ مسیت آں

نہ میں وچ کفر دی ریت آں

نہ میں پاکاں وچ پلیت آں

نہ میں موسی نہ فرعون

بلھا کیہ جاناں میں کون

نہ میں اندر بید کتاباں

نہ وچ بھنگاں،نہ شراباں

نہ وچ رنداں مست خراباں

نہ وچ جاگن ، نہ سون

بلھا کیہ جاناں میں کون

نہ وچ شادی نہ غمناکی

نہ میں وچ پلیتی پاکی

نہ میں آبی نہ میں خاکی

نہ میں آتش نہ میں پَون

بلھا کیہ جاناں میں کون

نہ میں عربی ، نہ لاہوری

نہ میں ہندی شہر نگوری

نہ ہندو نہ ترک پشوری

نہ میں رہندا وچ ندون

بلھا کیہ جاناں میں کون

نہ میں بھیت مذہب دا پایا

نہ میں آدم حوا جایا

نہ میں اپنا نام دھرایا

نہ وچ بیٹھن ، نہ وچ بھون

بلھا کیہ جاناں میں کون

اول آخر آپ نوں جاناں

نہ کوئی دوجا ہور پچھاناں

میتھوں ہور نہ کوئی سیانا

اوہ کھڑا ہے کون ! بُلھا

بلھا کیہ جاناں میں کو

ن

Na maen momin vich maseet aan
Na maen vich kufar diyan reet aan
Na maen paakaan vich paleet aan
Na maen moosa na pharaun.

Bulleh! ki jaana maen kaun

Na maen andar ved kitaab aan,
Na vich bhangaan na sharaab aan
Na vich rindaan masat kharaab aan
Na vich jaagan na vich saun.

Bulleh! ki jaana maen kaun.

Na vich shaadi na ghamnaaki
Na maen vich paleeti paaki
Na maen aabi na maen khaki
Na maen aatish na maen paun

Bulleh!, ki jaana maen kaun

Na maen arabi na lahori
Na maen hindi shehar nagauri
Na hindu na turak peshawri
Na maen rehnda vich nadaun

Bulla, ki jaana maen kaun

Na maen bheth mazhab da paaya
Ne maen aadam havva jaaya
Na maen apna naam dharaaya
Na vich baitthan na vich bhaun

Bulleh , ki jaana maen kaun

Avval aakhir aap nu jaana
Na koi dooja hor pehchaana
Maethon hor na koi siyaana
Bulla! ooh khadda hai kaun

Bulla, ki jaana maen kaun