kuchh pahale in aankhon aage kyaa kyaa na nazaaraa guzare thaa
kyaa raushan ho jaatii thii galii jab yaar hamaaraa guzare thaa
the kitane achchhe log ki jinako apane Gam se fursat thii
sab puuchhen the ahavaal jo koii dard kaa maaraa guzare thaa
ab ke to Khizaan aisii Thaharii vo saare zamaane bhuul gaye
jab mausam-e-gul har phere mein aa aa ke dubaaraa guzare thaa
thii yaaron kii bahutaat to ham aGayaar se bhii bezaar na the
jab mil baiThe to dushman kaa bhii saath gavaaraa guzare thaa
ab to haath sujhaaii na deve lekin ab se pahale to
aankh uThate hii ek nazar mein aalam saaraa guzare thaa
No comments:
Post a Comment