ESS IMTEHAN MEIN HOON........

Es Imtihaan Mein Hoon, Dil Ka Baab Kis Ko Doon,

Nisaab-e-Ishq Pay Likhi Kitaab Kis Ko Doon,

Her Aik Shakhs Ko Mujh Say Muhabbat Hai,

Sawaal Ye Hai Wafa Ka Jawaab Kis Ko Doon,

Mera Khuloos,Muhabbat,Wafa Hai Sub K Liye,

Mein Sochta Hon K Lubb-e-Lubaab Kis Ko Doon,

Mery Liye To Sabhi Log Aik Jaisy Hein,

Sakoon Kis Ko Doon Iztraab Kis Ko Doon,

Hajoom-e-Husn K Narghay Mein Sochta Hoon Mein,

K Apny Haath Mein Thaama Ghulaab Kis Ko Doon,

Her Aik Shakhs Ko Khush Rakhna Meri Aadat Hai,

Shab-e-Wisaal Ka Pehlaa Sawaab Kis Ko Doon,

Kisi Bhi Shakhs Say Ranjish,Khalash Nahin Mujh Ko,

Shab-e-Firaaq Ka Phir Mein Azaab Kis Ko Doon,

Mein Apny Saary Gunaahon Ki Moatarif Hoon Magar,

Wo Jub GHAFOOR Hai To Phir Hisaab Kis Ko Doon,

Ye Umer Bher Ki Kamaae,Ye Shaaeri SHAHID,

Mein Kis K Naam Keron Intsaab Kis Ko Doon...