Mil He Jaye Ga Kahain Dil Ko Yaqeen Rahta Hay
Woh Is Shehar Ki Galyoun Main Kahain Rahta Hay
Ek Zamana Tha Ke Sab Ek Jagah Rahty Thy
Or Ab Koi Kahain, Koi Kahain, Rahta Hay
Jis Ki Sanson Se Mahakty Thay Dar-o-Dar Tere
Ae Makaan Bol Wo Makeen Ab Kahan Rahta Hay
Roz Milne Pe Bhi Lagta Hay Jug Beet Gaya
Ishq Main Waqt Ka Ahsaas Nahe Rahta Hay
Dil Afsurda To Howa Dekh Kar Us Ko Lekin
Umar Bhar Kon Jawaan, Kon Haseen Rahta Hay
No comments:
Post a Comment